У гэтыя дні па ўсёй рэспубліцы праходзіць акцыя «Нашы дзеці» і ў рамках яе з падарункамі і віншаваннямі педыятрычнае аддзяленне Мар'інагорскай цэнтральнай раённай бальніцы разам з Дзедам Марозам наведалі намеснік старшыні райвыканкама Наталля Чарнышова, начальнік упраўлення па адукацыі, спорце і турызме райвыканкама Уладзімір Губарэвіч. Яны ўручылі дзецям (а іх на лячэнні было больш 20) салодкія падарункі. А дзеці з Цэнтра творчасці дзяцей і моладзі «Світанак» падрыхтавалі інтэрактыўную віншавальную праграму.
Анастасія Плятнёва.