Юных пухаўчан з надыходзячымі святамі павіншавалі старшыня раённага выканаўчага камітэта Віктар Каляда і старшыня раённага Савета дэпутатаў Аляксандр Прановіч. Кожны ўдзельнік раённай ёлкі атрымаў салодкі падарунак ад раённага выканаўчага камітэта.
Навагодні настрой прысутным стваралі творчыя работнікі ЦТДіМ «Світанак», якія падрыхтавалі святочную інтэрактыўную праграму з удзелам казачных герояў і персанажаў. Спадабаўся юным гледачам і навагодні спектакль «12 месяцаў». Яго пастаноўкай займаўся творчы калектыў раённага цэнтра культуры.
Артысты сёння двойчы выходзілі на сцэну. Пасля абеду адбылося навагодняе прадстаўленне для дзяцей-інвалідаў, дзяцей, якія выхоўваюцца ў дзіцячых дамах сямейнага тыпу, дзяцей з прыёмных і апякунскіх сем'яў. Ёлка аб'яднала каля 250 хлопцаў.
