У вялікай гасцінай ля елкі ў дзіцячым доме сямейнага тыпу сям'я Бажанавых сустракае высокіх гасцей.
Бацькі Алена і Андрэй Бажанавы выхоўваюць траіх родных дзяцей і сямёра прыёмных. Усе дзеці адораны любоўю, увагай, клопатам, ды і забяспечаны ўсім неабходным.
У Мар'інай Горцы гэта адзіны дом сямейнага тыпу. Створаны ён адносна нядаўна - у жніўні 2019 года. Аб выхаванні і любові да дзяцей тут ведаюць не па чутках. Мама Алена Бажанава ўзнагароджаная ордэнам Маці, раней з'яўлялася прыёмным бацькам у аддзеле адукацыі мясцовага райвыканкама. Гэтую дружную і вялікую сям'ю з навагоднімі святамі павіншаваў старшыня Мінаблвыканкама Аляксандр Турчын.
- З вялікай павагай мы ставімся да такіх бацькоў, якія змаглі акружыць любоўю дзяцей, і займаюцца сапраўды высакароднай справай. - адзначыў Аляксандр Турчын. - Новы год - гэта сямейнае свята. І выдатна, калі дзеці сустракаюць гэтае свята ў коле сям'і, таму і мы не застаемся абыякавымі да гэтых мерапрыемстваў.
Госці ўручылі дзецям салодкія падарункі, цацкі, ноўтбук, развіваючыя гульні і тэлевізар. Цяпер шматдзетная сям'я будзе збірацца разам у гасцінай каля новага вялікага тэлевізара за праглядам фільмаў.
