Таксама на канферэнцыю былі запрошаныя старшыня раённага Савета ветэранаў Ганна Сабалеўская і выконваючая абавязкі першага сакратара ГА «БРСМ» Святлана Зубарэвіч: з арганізацыямі, якія яны ўзначальваюць, раённае аб'яднанне прафсаюзаў падпісала трохбаковае пагадненне аб супрацоўніцтве.
Са справаздачай аб праведзенай рабоце выступіла старшыня раённага аб'яднання прафсаюзаў Людміла Гулякевіч.
У цяперашні час у раёне працуюць 173 прафсаюзныя арганізацыі. Імі праведзена значная праца ў галіне аховы працы, прававой абароны членаў прафсаюзаў, удасканалення сістэмы калектыўна-дамоўнага рэгулявання, узмацнення сацыяльных гарантый працоўных і членаў іх сем'яў, у тым ліку слабаабароненых катэгорый насельніцтва, павышэння адказнасці бакоў сацыяльнага партнёрства за выкананне прынятых на сябе абавязацельстваў.
Пра тое, якую працу прафсаюзы праводзяць у калектывах, распавялі старшыні прафсаюзных камітэтаў Пухавіцкага занальнага вузла сувязі Мінскага філіяла РУП «Белтэлекам» Анжэла Крываротава, ААТ «Машхарчпрам» Таццяна Груша, Мінскай ЦЭЦ-5 Андрэй Кучарчук, ААТ «Пухавіцкі доследна-эксперыментальны завод» Таццяна Румянцава, старшыня маладзёжнага савета раённага камітэта прафсаюзаў работнікаў адукацыі і навукі Надзея Чарняцова.
У выніку праца раённага аб'яднання прафсаюзаў за справаздачны перыяд была прызнана здавальняючай.
Падчас адкрытага галасавання яе старшынёй зноў была абраная Людміла Гулякевіч. Яна ж дэлегавана ў склад савета Мінскага абласнога аб'яднання прафсаюзаў.
Удзельнікі форуму таксама абралі раду Пухавіцкага раённага аб'яднання прафсаюзаў у колькасці 100 чалавек.
Падчас канферэнцыі прайшла цырымонія ўзнагароджання. Ганаровай граматай Мінскага абласнога аб'яднання прафсаюзаў была адзначана праца старшыні прафсаюзнага камітэта ААТ «Голацк» Зоі Кікаць. Граматамі Пухавіцкага раённага аб'яднання - старшыня прафкама яслі-сада №4 горада Мар'іна Горка Ала Арлова і дырэктар Мар'інагорскай дзіцячай школы мастацтваў Алена Гурская. Медаля «115 гадоў прафсаюзнаму руху Беларусі» ўдастоена ветэран прафсаюзнага руху Таісія Калесенка.
Наталля Пархомчык.