Такая служба ў міліцыянтаў - выконваць сваю працу нават тады, калі іншыя адпачываюць.
У Пухавіцкім РАУС урачыстае ўшанаванне прадстаўнікоў гэтай прафесіі адбылося на афіцэрскім сходзе ў будні дзень пасля завяршэння дзённай змены. Начальнік РАУС Павел Кастрыцкі падзякаваў за добрасумленную працу ўсім участковым інспектарам міліцыі і іншым супрацоўнікам аддзела аховы правапарадку і прафілактыкі. Па паказчыках службовай дзейнасці некаторыя з іх уваходзяць у лік лепшых у Мінскай вобласці. Так, Ганаровай граматай упраўлення ўнутраных спраў Мінскага аблвыканкама ўзнагароджаны старшы ўчастковы інспектар міліцыі Фёдар Русовіч, Граматай - старшы інспектар аддзела аховы правапарадку і прафілактыкі РАУС Андрэй Кароль. Падзяка начальніка УУС Мінскага аблвыканкама аб'яўлена старэйшаму ўчастковаму інспектару міліцыі Яўгену Кузьмянкову, участковым інспектарам Аляксею Зелянкевічу і Сяргею Майко.
Многія супрацоўнікі аддзела аховы правапарадку і прафілактыкі адзначаны ўзнагародамі Пухавіцкага райвыканкаму і кіраўніцтва РАУС.
Андрэй Мазанік.
