— У асноўным навабранцы трапілі ў навучальныя падраздзяленнi. Там маладыя людзі атрымаюць вайсковую спецыяльнасць, затым будуць размеркаваны па розным воінскім часцям і злучэнням, — распавёў начальнік групы прызыву на тэрміновую ваенную службу Пухавіцкага райваенкамата Аляксандр Канаш. - Сярэдні ўзрост навабранцаў - 19-20 гадоў. На службу ў войску звяртаюць увагу многія працадаўцы, таму хлопцы імкнуцца адслужыць крыху раней.
Ахова дзяржаўнай мяжы - адзін з прыярытэтаў нашай дзяржавы. Для праходжання службы ў элітных памежных войсках накіраваны дваццаць пяць пухаўчан. Гродна, Гомель, Пінск, Мазыр, Ліда, Хвоі, Смаргонь, Койданава — нашы землякі трапілі ў розныя гарады.
Арцём Сугак з Мар'інай горкі зараз служыць у Соснах. З маладым чалавекам мы сустрэліся за два дні да адпраўкі на службу. Хваляванні перад важнай падзеяй не было.
- Бацькі перажываюць мацней. Я іх настройваю на тое, што ўсё будзе добра, — казаў Арцём. - Ведаю, што самым складаным будзе першы месяц. А потым прывыкну. Я лёгка знаходжу агульную мову з людзьмі. Упэўнены, гэта мне таксама дапаможа. Займаюся спортам, фізічных нагрузак не баюся.
Арцём у гэтым годзе скончыў Беларускі дзяржаўны эканамічны універсітэт. Хлопец атрымаў вышэйшую адукацыю, таму служыць будзе год.
- Я хачу адслужыць і ўладкавацца на пастаянную працу, пасля войска я змагу гэта зрабіць, - адзначыў Арцём. - Думаю, служыць на мяжы будзе цікава. Я атрымаю новы вопыт, і ён, упэўнены, будзе карысны ў жыцці.
Чацвярым жыхарам раёна з'язджаць далёка не прыйшлося. Яны служаць у вайсковай часці 89417. Гэта Дзяніс Бабук, Мікіта Литягин, Андрэй Радзюк і Віталь Нікіцін.
Кацярына ВЕРНИКОВСКАЯ