Акцыя будзе праводзіцца ў некалькі этапаў. З 2 па 6 снежня работнікі МНС правядуць з асобамі сталага ўзросту на базе тэрытарыяльных цэнтраў сацыяльнага абслугоўвання насельніцтва забаўляльна-інфармацыйныя праграмы: інтэрактыўныя гутаркі, тэматычныя конкурсы і віктарыны. Таксама будуць прадэманстраваны навучальныя фільмы і ролікі.
З 9 па 17 снежня прафілактычныя мерапрыемствы пройдуць у агульнаадукацыйных установах, дамах-інтэрнатах, з бацькамі і іх дзецьмі ў тых сем'ях, дзе дзеці знаходзяцца ў сацыяльна небяспечным становішчы. Асаблівую ўвагу ратавальнікі нададуць правілам выкарыстання піратэхнікі, правілам паводзін на лёдзе, эксплуатацыі электраабсталявання, пячнога ацяплення ў зімовы перыяд і бяспекі дзяцей у перыяд зімовых канікул. З дзецьмі і бацькамі правядуць гульні, віктарыны і конкурсы на навагоднюю тэматыку.
З 18 па 24 снежня ў месцах продажаў піратэхнічных вырабаў з'явіцца пажарны Дзед Мароз і правядзе з пакупнікамі піратэхнікі прафілактычныя гутаркі, раздасць Інструкцыі па бяспечным выкарыстанні піратэхнікі. Таксама будуць праведзены конкурсы і віктарыны ў дзіцячых установах аховы здароўя.
А з 26 па 28 снежня пройдуць фінальныя мерапрыемствы ў месцах масавага знаходжання людзей: ГД «Трыа» і ЗАТ «Дабраном».
Запрашаем усіх прыняць удзел у акцыі і правесці святы не толькі цікава, але і бяспечна!