На рэспубліканскі конкурс фотаработ «Мой край родны» Арцём прадставіў дзве фатаграфіі на тэму «Камяні Дружнага». Калі будаваўся пасёлак Дружны, у зямлі знаходзілі вялікія камяні. Затым вырашылі знакавыя месцы пасёлка Дружны адзначыць імі, стварыўшы невялікія пляцоўкі, на якіх усталявалі камяні з памятнымі таблічкамі. На першай фатаграфіі пад назвай «Вуліца Чэпіка» захаваны камень, таблічка на якім паказвае, што вуліца названа ў гонар Героя Савецкага Саюза, ураджэнца Пухавіцкага раёна Мінскай вобласці воіна-інтэрнацыяналіста, гвардыі старэйшага сяржанта Мікалая Чэпіка. Другая фатаграфія называецца «Адсюль усё пачыналася». На фота камень з таблічкай, якая паказвае: «Тут, у снежні 1983 г забітая першая паля ў падмурак горада энергабудаўнiкоў Дружны».
Удзел у конкурсе праявіў цікавасць Арцёма да прыроды і гісторыі роднага краю, матываваў хлопчыка ў далейшым займацца мастацтвам фатаграфіі.