Праблема, якую ўздымалі на семінары не новая, але каб надзейна абараніць сябе і сваіх блізкіх, неабходна валодаць дакладнай інфармацыяй. Пра тое, што ўяўляе сабой ВІЧ-інфекцыя ў ХХІ стагоддзі, падзялілася спецыяліст ДУ «Пухавіцкі раённы цэнтр гігіены і эпідэміялогіі» Т. I.Хвастова.
Сёння ў моду ўваходзіць здаровы лад жыцця. Мастацтва, культура, спорт з'яўляюцца выдатнай альтэрнатывай шкодным звычкам. У юных пухаўчан ёсць выдатная магчымасць рэалізаваць свае творчыя здольнасці. І гэта наглядна прадэманстравалі ўдзельнікі творчых фарміраванняў Шацкага СДК і Габрыелеўскага СДК, падрыхтаваўшы тэматычныя праграмы па прафілактыцы СНІДу: музычна-тэатралізаваную і гульнявую праграмы, конкурс малюнка «Ведаць, каб жыць», агітбрыгаду «Моладзь выбірае ЗОЖ!». Праграмы былі падрыхтаваны ў цесным супрацоўніцтве з выкладчыкамі і навучэнцамі Шацкай школы, бібліятэчнымі работнікамі. Завяршыўся семінар акцыяй «Чырвоная стужка», якая выказвала падтрымку руху супраць СНІДу, заклікала да сацыяльнай памяркоўнасці і сімвалізавала надзею, што вакцына ад СНІДу абавязкова будзе знойдзена і СНІД рана ці позна будзе пераможаны. Да акцыі далучыліся ўсе ўдзельнікі семінара.
Пазнаёміўшыся з рознымі формамі клубнай працы па прафілактыцы СНІДу, атрымаўшы найноўшую дакладную інфармацыю, метадычныя рэкамендацыі, буклеты па зададзенай тэматыцы, работнікі клубных устаноў змогуць укараніць усё гэта ў жыццё на сваіх працоўных месцах.