Трэнажорная зала «Драйв» ужо адкрыла свае дзверы для ўсіх жадаючых. У «Драйве» — толькі сучасныя трэнажоры, іх каля 25. Новае кардыёабсталяванне ў Мар'іну Горку дастаўлялі з ЗША. Адна з мадэляў бегавых дарожак пакуль з'яўляецца адзінай у Беларусі. Магчымасць пазаймацца на ўнікальным трэнажоры ёсць ва ўсіх пухаўчан.
Для сілавых трэніровак у зале ёсць гантэлі і іншае неабходнае абсталяванне. Для жадаючых схуднець або падтрымліваць постаць у тонусе - розныя трэнажоры для ног, сцёгнаў, ягадзіц.
Пачаткоўцам лепш выконваць усе практыкаванні пад наглядам прафесіяналаў. У «Драйве» будуць працаваць чатыры трэнеры. Усе жадаючыя могуць прыходзіць на індывідуальныя трэніроўкі. Для жанчын будуць праводзіцца таксама групавыя заняткі.
Адначасова ў зале змогуць займацца каля дваццаці чалавек. Пасля трэніроўкі можна прыняць расслабляльны душ. Душавыя кабінкі размешчаны ў мужчынскай і жаночай распранальнях.
- Важным акцэнтам пры будаўніцтве трэнажорнай залы быў менавіта камфорт. Гэта памяшканне пуставала каля шасці гадоў, таму хацелася зрабіць нешта добрае і якаснае для жыхароў горада — кажа дырэктар Андрэй Якавіцкі. - Мы доўга выбіралі праект залы, працавалі над дызайнам. Усталявалі кандыцыянеры, прадумалі сістэму вентыляцыі. Ва ўсе памяшканні выведзена музыка. Важна, каб людзі прыходзілі і вярталіся да нас з задавальненнем. Будзем рады бачыць усіх у нашай трэнажорнай зале!
Трэнажорная зала «Драйв»
Адрас: Мар'іна Горка, вул. Вайсковая, 12 (2-гі паверх).
Рэжым працы: з 10.00 да 22.00, без выхадных.
Тэлефон: +375-44-7-106-106.
Мы ў сацсетках: Instagram: drive_gym_
