Пікеты ў падтрымку кандыдатаў у дэпутаты ў Палату прадстаўнікоў Нацыянальнага сходу Рэспублікі Беларусь праходзяць ва ўсіх рэгіёнах краіны. Выбарчая кампанія ўступіла ў актыўную фазу. На вуліцах нашага горада таксама можна ўбачыць пікеты, арганізатары якіх знаёмяць мінакоў з кандыдатам, распавядаюць аб яго прафесійнай дзейнасці, аб перадвыбарнай праграме.
У мінулую суботу такі пікет быў арганізаваны ў цэнтры горада каля гандлёвага дома «Трыа». Мінакі маглі атрымаць інфармацыю аб адным з кандыдатаў у дэпутаты на месцы, а таксама ўзяць брашуры і календары, каб больш даведацца пра чалавека, які прэтэндуе на дэпутацкі мандат.