Падчас «Дажынак» праходзіла конкурсная праграма, пераможцу якой ўручылі вялікі кавалак ад велізарнага сулугуні. А пакаштаваць слуцкі сыр падчас свята мог любы ахвочы.
Кожны рэгіён Міншчыны уладкаваў сваё імправізаванае падвор'е, на якім вельмі гасцінна сустракалі гасцей. Тут былі прадстаўлены славутасці кожнага раёна, выставы народнай творчасці, праводзіліся дэгустацыі прадукцыі, конкурсы, майстар-класы, латарэі. Усюды гучала музыка і песні.
Старшыня Мінскага аблвыканкама Анатоль Ісачанка павіншаваў хлебаробаў сталічнага рэгіёна і ўручыў заслужаныя ўзнагароды пераможцам.