- У нашым раёне будзе працаваць 94 перапісчыкі. У большасці сваёй гэта людзі, якія працуюць у сістэме адукацыі, культуры, медыцыны, — расказвае начальнік аддзела статыстыкі па Пахавiцкiм раёне Леанід Красьнік.
На семінары перапісчыкаў праінфармавалі, як трэба паводзіць сябе, заходзячы ў дом. Нагадалі пра тэхніку бяспекі, захаванні правіл дарожнага руху, бо перапісчыкі будуць наведваць дамы з 9 раніцы і да 9 вечара.
Акрамя таго, будуць працаваць стацыянарныя ўчасткі, куды любы жадаючы можа сам прыйсці перапісацца. Два ўчасткі будуць у Мар'інай Горцы, а таксама ў гарадскіх пасёлках Праўдзінскі, Рудзенск, Свіслач і пасёлку Дружны.
Арганізаваны таксама перасоўныя стацыянарныя перапісныя ўчасткі. Загадчыкі перапіснымі ўчасткамі сумесна са старшынямі пассельсоветаў распрацавалі маршруты па населеных пунктах, дзе перапісчыкі будуць перапісваць жыхароў з 4 па 18 кастрычніка, не заходзячы ў жылыя памяшканні. Для гэтых мэт на кожны сельскі савет выдзелены аўтатранспарт.
Навінай дадзенай перапісной кампаніі з'яўляецца перапіс праз Інтэрнэт, якая палегчыць працу перапісчыкаў.
