У гэтым годзе ўдзельнікі клуба «Здаровае даўгалецце» Пухавіцкага раённага савета ветэранаў загадзя рыхтаваліся да ўдзелу ў Мiнскім паўмарафоне са сваім трэнерам Аксанай Сюкалавай. За плячыма ўжо быў вопыт леташняга восеньскага забегу.
Мы зарэгістравалася на дыстанцыю ў 5,5 кіламетра, распавяла Аксана — Для нашых удзельнікаў — Вольгі Мяркушавай, Валянціны Мiгуцкай і Людмілы Міхалап — гэта немалая дыстанцыя, бо ўзрост іх ад 57 да 70 гадоў.
Старт адбыўся каля Палаца спорту. На дыстанцыю 5,5 кіламетра выйшла больш за ўсё ўдзельнікаў — каля 20 тысяч чалавек. Мы прайшлі маршрут у стылі скандынаўскай хады. Мы з мужам Аляксандрам сачылі за самаадчуваннем нашых ветэранаў-спартсменаў. Яны прайшлі ўсю дыстанцыю з добрай хуткасцю. Усю гэтую дыстанцыю пераадолела і наша дачка Маша, хоць ёй усяго толькі 5 гадоў. Удзельнікі марафону жартавалі, што яна задавала ім тэмп і надавала сілы дайсці да фінішу.
Усяго ў паўмарафоне удзельнічала каля 40 тысяч чалавек з 68 дзяржаў. Усе яны атрымалі медалі. Такім чынам пухавіцкія ветэраны паклалі ў сваю скарбонку здаровага ладу жыцця яшчэ адзін медаль.
