- Перш за ўсё хацелася б пажадаць і вучням, і настаўнікам здароўя, поспехаў і настойлівасці ў атрыманні ведаў. За летні перыяд, пакуль дзеці адпачывалі і аздараўляліся ў тым ліку ў лагерах нашага раёна, мы пастараліся якасна прарабіць працу па падрыхтоўцы ўсіх устаноў адукацыі да таго, каб працэс вучобы праходзіў у максімальна камфортных умовах.
У новым навучальным годзе адукацыйны працэс ва ўстановах дашкольнай адукацыі будуць ажыццяўляць 342 педагогі. З іх 55,3% - з вышэйшай адукацыяй.
У сістэме дашкольнай адукацыі неабходна будзе працягнуць працу па забеспячэнні бяспечнага адукацыйнага асяроддзя і якасці адукацыйнага працэсу праз укараненне і прымяненне тэхналогій, якія прадугледжваюць асобасна арыентаванае ўзаемадзеянне педагогаў і дзяцей. Актуальным застаецца пытанне выкарыстання творчага патэнцыялу бацькоў у адукацыйным працэсе і прымяненне розных формаў супрацоўніцтва. Будзе пашыраны пералік новых форм дашкольнай адукацыі на платнай аснове, палепшана якасць прадастаўлення дадзенага выгляду паслуг. У новым навучальным годзе неабходна таксама далей працаваць над павышэннем прафесійнай кампетэнтнасці педагогаў праз удзел у творчых групах, метадычных аб'яднаннях, конкурсах, семінарах, майстар-класах.
Прыярытэтнай задачай школьнай адукацыі застаецца павышэнне яе якасці, адным са складнікаў якога з'яўляецца кадравы патэнцыял. У 2018/2019 навучальным годзе ва ўстановах агульнай сярэдняй адукацыі раёна педагагічную дзейнасць ажыццяўляў 801 педагог. Колькасць педагогаў вышэйшай і першай кваліфікацыйных катэгорый у параўнанні з мінулым навучальным годам павялічылася на 4,7% і складае 81,4%. 13 педагогаў у 2018/2019 навучальным годзе здалі кваліфікацыйны экзамен на прысваенне вышэйшай кваліфікацыйнай катэгорыі.
Штогод ва ўстановы адукацыі раёна прыходзяць маладыя спецыялісты. У 2018/2019 навучальным годзе педкалектыў папоўніўся 31 маладым спецыялістам. За ўсімі былі замацаваны настаўнікі з ліку вопытных педагогаў. Пяць маладых спецыялістаў атрымалі інтэрнат, адзін забяспечаны службовым жыллём, 11 - здымным. Працэнт замацавання маладых спецыялістаў склаў 100%. У жніўні прыступілі да працы 29 маладых педагогаў.
У мінулым навучальным годзе ў 10 установах адукацыі працавалі профільныя класы. Было ахоплена 130 дзесяцікласнікаў. У рэйтынгу прадметаў, выбраных для вывучэння на павышаным узроўні, лідзіруюць замежная, руская і беларуская мовы, матэматыка, хімія, біялогія, фізіка, гісторыя Беларусі, грамадазнаўства.
Стабільным застаецца ўзровень навучанасці. Сярэдні бал па раёне па 21 вучэбным прадмеце па выніках 2018/2019 навучальнага года складае 6,8.
У новым навучальным годзе будзе арганізавана вывучэнне стану выкладання вучэбнага прадмета «матэматыка» ў сувязі з больш нізкім узроўнем навучанасці па гэтым прадмеце на працягу некалькіх гадоў, а таксама па прадметах «працоўнае навучанне», «фізічная культура і здароўе».
У мінулым навучальным годзе для навучэнцаў 10 класаў, якія навучаюцца на базавым узроўні, было арганізавана прафесійнае навучанне. У 10 установах адукацыі школьнікі навучаліся прафесіям «швачка», «маляр», «прадавец», «фатограф», «слесар па рамонце сельскагаспадарчых машын». У новым навучальным годзе плануецца пашырыць пералік прафесій, арганізаваўшы навучанне па спецыяльнасцях «агент па турызме», «аператар ЭВМ», «кветкавод».
Адным з крытэрыяў якасці ў школьнай адукацыі сёння з'яўляецца цэнтралізаванае тэставанне. Сярэдні бал па выніках ЦТ у 2019 годзе - 57,2, што на 15 балаў вышэй за леташні. Неабходна правесці сістэмны аналіз вынікаў цэнтралізаванага тэставання на педсаветах, адзначыць, дзе назіраецца адмоўная дынаміка змены сярэдняга бала.
Вынік адукацыі - гэта яшчэ і здольнасць дзіцяці прымяніць атрыманыя веды ў розных інтэлектуальных спаборніцтвах. Выдатныя вынікі паказалі на алімпіядах і конкурсах вучні Таццяны Гарошкі, Таццяны Буркун, Наталлі Іванюк, Наталлі Коўшэр, Святланы Вераскоўскай, Дзмітрыя Крывашэя і іншых педагогаў раёна.
Ва ўстановах адукацыі праводзіцца пастаянная работа па сваечасоваму выяўленню дзяцей з асаблівасцямі развіцця. У 2019/2020 навучальным годзе ў раёне працягнуць працу 7 спецыяльных груп для дзяцей з цяжкімі парушэннямі маўлення, 22 групы інтэграванага навучання і выхавання ва ўстановах дашкольнай адукацыі. Працягваюць функцыянаваць спецыяльны клас для дзяцей з інтэлектуальнай недастатковасцю на базе ДУА «Мар'інагорскі КПК дзіцячы сад-СШ», 71 клас інтэграванага навучання і выхавання ва ўстановах агульнай сярэдняй адукацыі, 33 пункты карэкцыйна-педагагічнай дапамогі.
Важна, што ва ўстановах адукацыі склалася стабільна функцыянуючая сістэма ідэалагічнага, грамадзянскага і патрыятычнага выхавання навучэнцаў. Школьнікі актыўна выступаюць на абласных мерапрыемствах, удзельнічаюць у абласных конкурсах, форумах і злётах. У мінулым навучальным годзе атрымана 105 дыпломаў абласнога ўзроўню, 38 – рэспубліканскага, 6 - міжнароднага. Праца ў гэтым кірунку працягнецца і ў новым годзе.
Асаблівая ўвага надаецца прафілактыцы злачынстваў і правапарушэнняў сярод непаўналетніх. На ўліку ў ІСН Пухавіцкага РАУС складаецца 65 навучэнцаў. З мэтай фарміравання прававой культуры, засваення школьнікамі правілаў паводзін у грамадскіх месцах, прафілактыкі п'янства і алкагалізму, наркаманіі, а таксама прывіцця духоўных і маральных каштоўнасцяў, ва ўстановах адукацыі раёна арганізавана работа 185 аб'яднанняў па інтарэсах.
Для заняткаў спортам у раёне працуе 5 аддзяленняў у ДУ «Пухавіцкая СДЮШАР», гарадскі стадыён, спартыўная зала ДУ «ФОЦ «Вікторыя», трэнажорная зала ў аграгарадку Блонь, спартыўная зала ў г.п. Свіслач, спартыўныя пляцоўкі. Высокіх спартыўных вынікаў дасягнулі выхаванцы Ігара Абакунчыка, Армена Джанумяна, Уладзіміра Леўса, Мікалая Чапялова, Міхаіла Пракудзіна, Дзмітрыя Ламака, Аляксандра Мазаніка, Алены Чарэтаевай.
Я спадзяюся, што ў новым навучальным годзе мы прымножым усе тыя поспехі, якія былі дасягнуты раней. Наша агульная задача — спрыяць якаснай змене адукацыі ў адпаведнасці з патрабаваннямі часу.