У перыяд правядзення акцыі адбудуцца вучэнні і трэніроўкі па рэагаванні на надзвычайныя сітуацыі прыроднага і тэхнагеннага характару на выбуха -, пажара -, хімічна небяспечных аб'ектах, аб'ектах з масавым знаходжаннем людзей. Запланаваны праверкі сістэмы апавяшчэння, у тым ліку праз SMS, трансляцыя паведамленняў ад МНС у тэлевізійным і радыёэфіры. Пройдуць трэніроўкі па эвакуацыі з будынкаў.
У рамках «Адзінага дня бяспекі» будуць арганізаваны дні адчыненых дзвярэй, прафілактычныя акцыі ў навучальных установах, гутаркі ў працоўных калектывах, інтэлектуальная гульня «Бяспечны сусед», разгорнецца навучальная пляцоўка «Пяць крокаў выратавання», адбудуцца канцэртныя праграмы і тэатралізаваныя паказы.
Нагадаем, упершыню акцыя прайшла з 20 лютага па 1 сакавіка.