Запрашэнне для “Жывіцы” даслаў латвійскі бок. З творчасцю калектыва арганізатары фестывалю пазнаёміліся праз інтэрнэт. Пухавіччане арганічна ўпісаліся ў агульную канву музычнага свята. І ў выніку атрымалі не толькі ўзнагароды фестывалю, а яшчэ і запрашэнне прыняць удзел у Днях беларускай культуры ў Латвіі, якія адбудуцца ў верасні гэтага года. Чакаюць “Жывіцу” ў балтыйскай краіне таксама на двух музычных форумах, што пройдуць у маі і ліпені наступнага года.