Жыхар Мар'інай Горкi цікавіўся будаўніцтвам камунікацый у мікрараёне новай забудовы. Мужчына адзначыў, што мікрараён паступова забудоўваецца, камунікацыі падводзяцца, але ён хацеў даведацца, калі ж дойдзе чарга да квартала, у якім ён вядзе будаўніцтва жылога дома.
Віктар Міхайлавіч растлумачыў, што ў бягучым годзе на гэтыя мэты дадаткова выдзелена 700 тысяч рублёў. Старшыня райвыканкама даручыў разабрацца ў гэтым пытанні. У бліжэйшы час жыхар горада атрымае адказ.
Сустрэчы з насельніцтвам - адна з новых форм працы ў нашым раёне. Сёння Віктар Каляда сустрэнецца з жыхарамі гарадскога пасёлка Рудзенск. 24 жніўня запланаваная сустрэча з гараджанамі ў Мар'інай Горцы на базе УП «Жылцепласэрвіс» КХ. 28 жніўня сустрэча пройдзе ў аграгарадку Дуброўка.
