Асноўныя святочныя падзеі разгарнуліся ў парку ў мікрараёне Новая Зара. З Днём дэсантнікаў і сіл спецыяльных аперацый усіх прысутных павіншавалі начальнік Генеральнага штаба Узброеных Сіл - першы намеснік міністра абароны Рэспублікі Беларусь Алег Белаконеў, старшыня раённага выканаўчага камітэта Віктар Каляда. Яны ўручылі ўзнагароды Міністэрства абароны Рэспублікі Беларусь, Пухавіцкага раённага выканаўчага камітэта вайскоўцам і прадстаўнікам грамадскасці.
Затым удзельнікі святочнага мерапрыемства змаглі ўбачыць верталётнае шоу, паказальныя выступленні вайскоўцаў в/ч 89417, святочны канцэрт. У парку была падрыхтавана выстава ваеннай тэхнікі і ўзбраення. Працавалі дзіцячыя атракцыёны, быў арганізаваны гандаль.