Творчыя калектывы ўстаноў культуры аддзела ідэалагічнай работы, культуры і па справах моладзі рыхтуюць канцэртныя праграмы для тых, хто працуе ў полі.
Для камбайнераў і іншых працаўнікоў беларускай нівы непрацяглыя перапынкі ў працы, якія суправаджаюцца выступленнямі мастацкіх калектываў, - гэта магчымасць адпачыць і атрымаць зарад энергіі на астатнюю частку працоўнага дня.
Невялікі канцэрт, пад назвай «Поле маё поле», падарыў ансамбль народнай песні «Весялуха» Голацкага СДК работнікам сельскай гаспадаркі ААТ «Голацк». У выкананні ансамбля прагучала некалькі народных песень, а таксама пажаданні стаць лепшымі ва ўборачнай кампаніі.
Такі невялікі музычны падарунак прынёс нямала эмоцый, усмешак, пазітыву, а таксама зарад настрою, для новых працоўных здзяйсненняў.
