Узрост удзельнікаў - ад 14 да 35 гадоў. Рэклама на конкурс прадстаўляецца ў намінацыях «Лепшы плакат» і «Лепшы відэаролік». Прыём матэрыялаў арганізаваны на афіцыйным сайце конкурсу www.anticorruption.life. Там жа размешчаны правілы яго правядзення. У конкурсных работах могуць быць адлюстраваны сучасныя дзяржаўныя механізмы барацьбы з карупцыяй на ўсіх узроўнях і ў розных сферах жыцця грамадства і дзяржавы, роля і значэнне міжнароднага супрацоўніцтва ў гэтым кірунку.
Першы этап - паўфінал. Ён праводзіцца да 1 кастрычніка 2019 года асобна ў кожнай з краін-удзельніц. Затым работы ў кожнай намінацыі будуць ацэнены нацыянальнай конкурснай камісіяй.
Конкурсныя работы, якія занялі першае месца, праходзяць у фінал толькі пры ўмове іх выканання на англійскай мове (плакат) і з субтытрамі на англійскай мове (відэаролік). Пройдзе фінал з 1 па 15 лістапада 2019 года. Журы Міжнароднага конкурсу ў кожнай намінацыі абярэ пераможцаў і прызёраў.
Урачыстую цырымонію ўзнагароджання дыпломамі, каштоўнымі падарункамі і памятнымі прызамі плануецца правесці ў снежні 2019 года ў Маскве, прымеркаваўшы да Міжнароднага дня барацьбы з карупцыяй.
