Адной з галоўных падзей стане рэканструкцыя самай маштабнай бітвы сярэднявечнай Еўропы, якая адбылася 15 ліпеня 1410 года паміж войскамі Тэўтонскага ордэна і саюзнікаў (Вялікага Княства Літоўскага і Каралеўства Польскага). Відовішчнай абяцае быць маштабная рэканструкцыя эпізодаў Грунвальдскай бітвы. Галоўнай падзеяй другога фестывальнага дня стане поўнакантактны конны рыцарскі турнір на суцэльнадраўляных дзідах па правілах XV стагоддзя. На працягу двух дзён на сцэнах фестывалю пройдуць выступленні фолк - і рок-калектываў з Беларусі, Расіі, Еўропы і Амерыкі. Будуць працаваць майстэрні па вырабе даспехаў, ліццю ювелірных вырабаў, апрацоўцы каменя, вырабе зброі, ганчарныя і кавальскія майстэрні, горад майстроў, інтэрактыўныя пляцоўкі.