Працаваў такі атрад у колькасці 20 чалавек і на двух аб'ектах ТАА «Пухавіцкае МПМК-14» у пасёлку Дружны. Гэтыя будаўнічыя пляцоўкі наведала мабільная група, у склад якой уваходзяць прадстаўнікі ўпраўлення па працы, занятасці і сацыяльнай абароне і іншых падраздзяленняў райвыканкама, прадстаўнікі прафсаюзных і розных іншых структур.
- Пры арганізацыі працы непаўналетніх прадпрыемства выканала асноўныя патрабаванні па ахове працы — распавяла кіраўнік групы Анастасія Салавей. — Да працы членаў атрада дапусцілі пасля праходжання медкамісіі. З імі былі заключаны працоўныя дагаворы. Для многіх маладых людзей гэта было першае працоўнае месца, і яны атрымалі працоўныя кніжкі. З членамі атрада правялі ўсе неабходныя інструктажы па ахове працы. Хлопцам была выдадзена спецвопратка, сродкі індывідуальнай абароны. Абсталявалі бытоўку, дзе маладыя людзі маглі пераапрануцца, пакінуць рэчы. На працоўных месцах быў забяспечаны пітной рэжым.
У ліпені на аб'ектах ТАА «Пухавіцкае МПМК-14» прыступіць да працы другі студатрад. Для многіх дзяцей праца на будаўнічых аб'ектах - карысны вопыт. Тут яны не проста зарабляюць грошы, але і знаёмяцца з новымі для сябе прафесіямі, вучацца разумець, што выкананне правіл па ахове працы павінна быць у прыярытэце.