Намесніца старшыні райвыканкама Наталля Чарнышова распавяла пра тое, колькі бед прынесла Вялікая Айчынная вайна на нашу зямлю як мужна змагаліся пухаўчане за яе вызваленне. Тэму працягнуў Іван Маркевіч. Ён запрасіў работнікаў прадпрыемства прыняць удзел у абласным мерапрыемстве, якое адбудзецца ў Дзень Незалежнасці Рэспублікі Беларусь у Нясвіжы.
Таксама Іван Станіслававіч распавёў, што пазнаёміўся з прадпрыемствам і высока ацаніў працу працоўнага калектыву. Спыніўся намеснік старшыні аблвыканкама на дасягненнях і праблемах Пухавіцкага рэгіёну. Ішла размова аб медыцынскім абслугоўванні жыхароў раёна, аб будаўніцтве дзіцячай дашкольнай установы і станцыі абезжалезвання ў пасёлку Дружны. Тлумачэнні па некаторых пытаннях дала намеснік старшыні райвыканкама Наталля Чарнышова. Яна распавяла пра матэрыяльна-тэхнічнае і кадравае забеспячэнні ўстаноў сацыяльнай сферы.
Іван Станіслававіч адказаў на пытанні ўдзельнікаў сустрэчы, якія тычыліся медыцынскага, банкаўскага абслугоўвання, асвятлення вуліц, стану дарог.
