Удзельнікаў мерапрыемства вітала намеснік начальніка аддзела ідэалагічнай работы, культуры і па справах моладзі райвыканкама Наталля Бародзька.
Звяртаючыся да прысутных, старшыня раённага Савета ветэранаў Ганна Сабалеўская адзначыла, што дзяржава памятае і шануе подзвіг тых, хто прайшоў праз нягоды Вялікай Айчыннай вайны. Сведчаннем таму з'яўляюцца і ўзнагароды, якія напярэдадні галоўнага свята краіны атрымаюць усе ветэраны. Гэта знак павагі іх заслуг перад Радзімай.
Пра тое, як высока цяперашняе пакаленне шануе подзвіг усіх, хто абараняў Радзіму на франтах і ў партызанскіх атрадах, хто аднаўляў краіну з разрухі, казаў у сваім прывітальным слове ваенны камісар Пухавіцкага раёна Максім Уласаў. Менавіта яму выпаў гонар уручыць узнагароды ветэранам.
Цырымонія атрымалася вельмі эмацыйная. Людзі, якія перажылі вайну, пасляваенную разруху, якія сталі ўдзельнікамі і сведкамі таго, як адраджалася наша рэспубліка, як мацнела яе эканоміка, рас дабрабыт людзей, казалі пра каштоўнасць міру. Многія і сёння гатовыя ў сілу сваіх магчымасцяў уносіць пасільны ўклад у патрыятычнае выхаванне моладзі. «Служылі, і будзем служыць» — атрымліваючы ўзнагароду, запэўніў Іван Андрэевіч Фонаў.
У цяперашні час у раёне пражывае 51 ветэран. Усе яны атрымаюць узнагароды. Для тых, хто па стане здароўя не можа прысутнічаць на грамадскіх мерапрыемствах, урачыстасць арганізуюць дома. Наведаюць ветэранаў прадстаўнікі кіраўніцтва раёна, ваеннага камісарыята, грамадскіх арганізацый.
Наталля Пархомчык.
