Тым, хто змагаўся з ворагам на франтах сёння ўжо за 90. І мы павінны акружыць іх увагай і клопатам. Зараз у раёне праходзіць акцыя, прысвечаная 75-годдзю вызвалення Беларусі ад нямецка-фашысцкіх захопнікаў. У раённым выканаўчым камітэце створана некалькі рабочых груп, якія ўзначальваюць намеснікі старшыні райвыканкама, старшыня раённага Савета дэпутатаў. Каардынуе працу ўпраўленне па працы, занятасці і сацыяльнай абароне райвыканкама.
На гэтым тыдні рабочыя групы выязджалі ў розныя населеныя пункты раёна. Ветэраны былі прыемна здзіўлены і шчыра дзякавалі за ўвагу і падарункі. Кожнаму з іх былі ўручаны і віншавальныя паштоўкі старшыні раённага выканаўчага камітэта. Ветэрана Вялікай Айчыннай вайны, жыхара пасёлка Мар'іна Уладзіслава Мікалаевіча Васільева павіншаваў старшыня райвыканкама Віктар Каляда.
