У спаборніцтвах прынялі ўдзел 40 спартсменаў з розных куткоў нашай краіны, а таксама госці з Украіны і Расіі, прызёры сусветных і еўрапейскіх чэмпіянатаў, міжнародных турніраў, чэмпіянатаў і кубкаў Рэспублікі Беларусь. Усе паядынкі праходзілі ў цікавай, захапляльнай барацьбе.
Аб'ектыўна да ацэнкі вынікаў падышоў дасведчаны судзейскі корпус, які ўзначальваў чэмпіён свету, прызёр чэмпіянатаў Еўропы Дзмітрый Шмыка.
Сярод прызёраў апынуўся і наш зямляк, Уладзіслаў Тагушоў з Мар'інай Горкі, які заняў 3-е месца.
Па выніках спаборніцтваў старшыня Федэрацыі Валерый Бабук адзначыў, што турнір ужо вырас з адкрытага рэспубліканскага і выйшаў на новы ўзровень, таму ў наступным годзе плануецца запрасіць спартсменаў з далёкага замежжа.
Пераможцы і прызёры былі ўзнагароджаны кубкамі, медалямі, дыпломамі і каштоўнымі прызамі ад ЗАТ «Аўгуст-Бел», ЗАТ «Струнныя тэхналогіі», НЗ «Белін-Аўта», ТАА «АгрыПО», ЗАТ «Пухавіцкі аграпрадукт», ТПООО «Пухавiчыгандль». ААТ «Машежапрад», СТАА «Марозпрадукт», ЗТАА «Зярнятка плюс», ТАА «Шацкі майстар» падалі ўдзельнікам для дэгустацыі сваю прадукцыю.
