Першым укосам у сельгас-арганізацыі прыбралі 1060 гектараў шматгадовых траў, заклалі 12 тысяч тон зялёных кармоў.
- Сёлета косавіца ідзе добра — адзначае галоўны аграном ААТ «Зазерка» Аляксандр Сідорык. - Шмат фактараў спрыяла атрыманню такога ўраджаю. Вельмі важныя ўмовы надвор'я: ўтрыманне вільгаці ў глебе, цёплыя ночы, якія дазваляюць травам хутка расці. Вядома, вялікую ролю гуляе і догляд за раслінамі. Вясной у адпаведнасці з тэхналогіяй правялі падкормку. Самай ураджайнай апынулася люцэрна. Яна дала 180 цэнтнераў з гектара. Нядрэнна выраслі бабова-зёлкавыя сумесі: канюшына, цімафееўка, канюшына-фестулоiум.
Зараз у гаспадарцы ідзе ўборка аднагадовых траў. Закладваюць гарохава-аўсяныя сумесі. На нарыхтоўцы кармоў працуе 16 адзінак тэхнікі. На адвозцы — чатыры аўтамабілі МАЗ, тры трактары МТЗ-3022 з прычэпамі ПМФ, трактар «Джон-Дзір».
Лідзіруе ў гаспадарцы на касавіцы Сяргей Шчэрба. На МТЗ-1221 з касілкай КДЛ-3.1 ён прыбраў больш за 500 гектараў траў. Міхаіл Булгак на МТЗ-3522 з касілкай КПР-9 скасіў 463 гектары.
Іён Панфіл на КВК-800 здрабняе зялёную масу. На яго рахунку 8 тысяч 40 тон. Віктар Варановіч на КВК-800 падабраў і здрабніў 4 тысячы 978 тон.
На адвозцы лідзіруе Аляксандр Холад. На яго рахунку 2 тысячы 839 тон. Міхаіл Навіцкі на аўтамашыне МАЗ-6501 перавёз 2 тысячы 246 тон.
У гаспадарцы ўсяго 16 сянажных траншэй, восем ужо заклалі. Як таго патрабуе тэхналогія, закладваюць зялёную масу вільготнасцю 50-55 адсоткаў. Каб не выпусціць час і не страціць якасць кармоў, ідзе кругласутачная праца. Больш за іншых - 10 тысяч тон сянажнай масы - затрамбаваў на «Амкадор-352 С» Андрэй Нарэйка. Гэтую працу выконвае і Юрый Сянько.
Каб захаваць усе пажыўныя рэчывы і забяспечыць добрую якасць кармоў, у сельгасарганізацыі сена і сянаж нарыхтоўваюць таксама і ў стрэтч-плёнку. Займаецца гэтай працай Алег Зяньковіч. Ён адзін ужо запрэсаваў 525 тон сенажу і сена пры плане 2 тысячы тон.
- Ураджайнасць траў сёлета ў нас 120-130 цэнтнераў з гектара, - адзначае Аляксандр Сідорык. - Зялёная маса добрая. Галоўны ўпор робім на якасць кармоў, а для гэтага важна не выпусціць час. Застаюцца не запоўненымі яшчэ восем сянажных траншэй, у якія часткова закладзем зялёную масу з другога ўкосу і кукурузны сілас восенню.
Анастасія Плятнёва.
