У дзяржаўнай установе «Тэрытарыяльны цэнтр сацыяльнага абслугоўвання насельніцтва Пухавіцкага раёна» 19 чэрвеня 2019 года ў рамках работы клуба «Экалагічная акадэмія» для інвалідаў, якія наведваюць аддзяленне забеспячэння дзённага знаходжання для інвалідаў, праведзены пазнавальны занятак на тэму: «Паветра, якім мы дыхаем», падчас якога ўдзельнікі клуба пашырылі ўяўленні аб значнасці паветра ў жыцці чалавека, замацавалі элементарныя ўяўленні аб крыніцах забруджвання паветра, правілах экалагічнай бяспекі.
У канцы заняткі ўсе ўдзельнікі клуба аднадушна прыйшлі да высновы, што экалагічнае становішча шмат у чым залежыць ад чалавека. Ён не толькі можа пагаршаць яго, але і паляпшаць. У нашых сілах зрабіць так, каб свет, у якім нам трэба будзе жыць, застаўся чыстым і бяспечным. Для гэтага трэба не быць абыякавым, любіць і берагчы навакольны свет.