Свята маладосці і творчасці сабрала сотні творчых людзей - прадстаўнікоў устаноў прафесійнай адукацыі з усёй краіны, сярод якіх былі навучэнцы і педагогі Мар'інагорскага дзяржаўнага аграрна-тэхнічнага каледжа. Лепшыя з лепшых прадставілі сваю творчасць на сцэне Дома культуры чыгуначнікаў у рамках гала-паказу «Творчасць маладых - словы будучыні!».
На мерапрыемстве адбылася цырымонія ўзнагароджання пераможцаў і прызёраў пяці праектаў, рэалізаваных у рамках фестывалю "АРТ-вакацыі – 2019".
У намінацыях «Вакальна-інструментальны ансамбль» і «Група аўтарскай песні» адзначаны дыпломамі ІІ ступені Міністэрства адукацыі Рэспублікі Беларусь кіраўнік ВІА «Крылы» Дзмітрый Сарычаў і педагог-арганізатар Паліна Шлык. У намінацыі «Творчае ператварэнне: ствараючы будучыню (інфармацыйна-камп'ютарныя тэхналогіі)» дыпломам І ступені ўзнагароджаны выкладчык Алена Свірыдава і інжынер-праграміст Аляксандр Баразна. Дыплом ІІІ ступені заслужыў выкладчык Вадзім Кушняроў.
Пераможцы і прызёры фестывалю адзначаюць, што такая высокая ацэнка прадстаўленых праектаў (а ў творчых мерапрыемствах і канцэртных выступах на розных этапах прынялі ўдзел каля 17 000 навучэнцаў устаноў прафесійна — тэхнічнай і сярэдняй спецыяльнай адукацыі) — гэта вынік дзейнасці педагогаў і навучэнцаў, якія разам ідуць да адной мэты, якая вызначана ў дэвізе фестывалю: «Творчасць моладзі - словы будучыні!».
Аляксандр Дземідзюк,
намеснік дырэктара па выхаваўчай рабоце УА «МГАТК».
