Праект рэалізуецца па ініцыятыве Пухавіцкай першаснай арганізацыі ГА «БелАПДIiМI». Хлопцы ўжо асвоілі навыкі шыцця, навучыліся валодаць іголкай. Наступным крокам для іх стане праца на швейных машынках.
— Мы закупілі чатыры швейныя машыны і авярлок. Многія хлопцы ўжо паспрабавалі папрацаваць за гэтымі прыладамі — адзначае кіраўнік ініцыятывы, старшыня Пухавіцкай першаснай арганізацыі ГА "БелАПДIiМI" Людміла Рычкова. — Напярэдадні для хлопцаў прайшоў майстар-клас. Усе працуюць з задавальненнем, з кожным разам у нас атрымліваецца ўсё лепш.
Дзякуючы новым швейным машынак ўдзельнікі праекта атрымалі свой першы заказ. Зараз хлопцы разам з педагогамі шыюць ручнікі і прасціны для групы летняга лагера, які будзе працаваць на базе сярэдняй школы №3 горада Мар'іна Горка.
