27 чэрвеня 2019 года, напярэдадні Дня Незалежнасці Рэспублікі Беларусь і святкавання 75-й гадавіны вызвалення Беларусі ад нямецка-фашысцкіх захопнікаў, Беларускі дзяржаўны музеяй гісторыі Вялікай Айчыннай вайны прадставіць праграму «Подзвіг у імя вызвалення».
Пачатак у 15.00 па адрасе пр. Пераможцаў, 8.
Праграма пачнецца з касцюмаванай экскурсіі па новай часовай экспазіцыі з аднайменнай назвай. Падчас пазнавальнага гістарычнага экскурсу наведвальнікаў чакае захапляльнае апусканне ў героіку баёў па вызваленні Беларусі. Перад імі паўстануць гарачыя падзеі лета 1944 г.: з аднаго боку, буйнамаштабнае наступленне ў Беларусі падчас легендарнай аперацыі «Баграціён», а з другога - дзеянні саюзнікаў па вызваленні Францыі, Бельгіі, Італіі.
Апавяданне працягнецца ў зале пастаяннай экспазіцыі музея расповедам аб падпісанні акта аб капітуляцыі Германіі, разгроме Квантунскай арміі і заканчэнні Другой сусветнай вайны. На гэтай высокай і радаснай ноце экскурсійная частка праграмы плаўна пяройдзе ў канцэртную.
У музычным завяршэнні прагучаць усім вядомыя і любімыя песні ваенных гадоў. Пад мелодыі несмяротных шлягераў – «Сіняя хустачка»,«Давай закурым»,«Апошні бой» і інш. - гледачы змогуць перажыць тыя пачуцці, якія адчувалі ў баі іх дзяды і прадзеды, і яшчэ раз зацвердзіцца ў думцы, што значэнне песні на вайне было велізарным.
Запрашаем на праграму мінчан і гасцей горада, якія цікавяцца і ганарацца гераічным мінулым нашага народа і краіны.
Квіток на праграму стане выдатным падарункам да свята для людзей старэйшага пакалення!
Білеты ўжо ў касе музея. Кошт - 15.00 BYN.
Даведкі па тэл.+375 17 203 18 39.