Размову аб бяспецы можна зрабіць не толькі змястоўнай, але і маляўнічай. У Мар'інай Горцы яна праходзіла у фармаце гарадскога свята, ініцыятарам правядзення якога стаў Пухавіцкі РАУС пры падтрымцы аддзела ідэалагічнай работы, культуры і па справах моладзі райвыканкама.
На плошчы каля раённага цэнтра культуры была арганізаваная праца адразу некалькіх інтэрактыўных пляцовак, гандлёвых палатак. На цэнтральнай сцэне сваю канцэртную праграму прадставіў раённы цэнтр творчасці дзяцей і моладзі «Світанак». Удзельнікі свята не толькі ўбачылі маляўнічыя нумары ў выкананні дзяцей, якія займаюцца ў розных творчых студыях цэнтра, але і пачулі парады, як паводзіць сябе ў грамадскіх месцах, на дарозе, на вадзе, з агнём і зрабіць канікулы бяспечнымі.
Яркую ноту ў канцэртную праграму ўнесла выступленне аркестра вайсковай часткі 89417. У гэтага калектыву і ў горадзе, і ў раёне шмат прыхільнікаў, і яго з'яўленне заўсёды цёпла сустракаюць гледачы. І ў гэты раз многія з іх дасталі мабільныя тэлефоны, каб сфатаграфаваць на памяць арыгінальнае дэфіле духавога аркестра.
Удзельнікі свята ахвотна размаўлялі з валанцёрамі раённай арганізацыі ГА «БРСМ», якія і дарослым, і дзецям прапаноўвалі паўдзельнічаць у інтэлектуальнай віктарыне. За правільныя адказы належылі невялікія прызы, і без іх ніхто з тых, хто вырашыў праверыць сваю эрудыцыю, не застаўся.
І ў малых, і ў падлеткаў асаблівую цікавасць выклікала дэманстрацыя ўзбраення, якое знаходзіцца ў атрадзе міліцыі асаблівага прызначэння УУС Мінскага аблвыканкама, якую правялі супрацоўнікі атрада. Патрымаць у руках сапраўдную зброю - мара любога хлапчука. Таму і малыя, і падлеткі не адыходзілі ад стэнда, які падрыхтавалі супрацоўнікі АМАПу.
Нязменна прыцягваюць увагу юных жыхароў горада выставачныя пляцоўкі раённага аддзела па надзвычайных сітуацыях. І гэтым разам выстраілася чарга ахвочых паліць газоны з пажарнага ствала, прымерыць экіпіроўку ратавальнікаў, патрымаць у руках інструменты, якія выкарыстоўваюцца падчас ліквідацыі надзвычайных сітуацый.
Ля выставачных пляцовак і АМАПа, і РАНС ішлi пастаянныя зносіны супрацоўнікаў з хлопцамі, і гэта не толькі прафілактыка бяспекі, але і сур'ёзная прафарыентацыйная праца.
— Мэта нашай акцыі — нагадаць дзецям, у якіх пачынаюцца вялікія канікулы, аб бяспецы, — патлумачыла начальнік ІСН Пухавіцкага РАУС Надзея Вайнiцкая. - Лета павінна быць радасным, напоўненым карыснымі справамі, творчасцю. Яго нішто не павінна азмрочваць.
Такое ж свята было арганізавана 31 мая ў пасёлку Дружны.