«Будзь здаровым, будзь паспяховым, будзь модным - не палі!» - пад такім дэвізам прайшоў гэты дзень у Пухавіцкай раённай дзіцячай бібліятэцы. Не засталася без увагі выстава з інфармацыйнымі матэрыяламі на антытытунёвую тэматыку. Усім дзецям, якія прыйшлі, бібліятэкары распавядалі аб тым, чым шкодная цыгарэта. Таксама разыгрываліся розныя сітуацыі, у якіх дзеці павінны былі знайсці як мага больш аргументаў, каб сказаць «Не!», калі ім прапануюць цыгарэту. Напрыканцы кожнаму дзіцяці ўручаўся памятны значок «Я супраць курэння!»