75 акцябрат цэнтральнага рэгіёна, сярод якіх 3 дзяцей нашага раёна, упершыню прамовілі словы ўрачыстага абяцання ўступаючых ў шэрагі ГА «БРПА». Сімвалічна колькасць піянераў, сугучнае 75-годдзю вызвалення Рэспублікі Беларусь ад нямецка-фашысцкіх захопнікаў. Запаветныя гальштукі акцябратам павязалі партнёры і сябры арганізацыі, ганаровыя госці, ветэраны піянерскага руху.
Урачыстую лінейку, прысвечаную Дню піянерскай дружбы, упрыгожыла выступленне мажарэтак ДУА «Сярэдняя школа №4 г. Мар'іна Горка».
У праекце-дэманстрацыі «Міншчына піянерская» ад Пухавіцкага раёна ўдзельнічалі хлопцы ДУА «Перажырская сярэдняя школа iмя А. Я. Гурыновіча», якія прадставілі пляцоўку «Цімураўскія зорачкі на карце Мінскай вобласці!».
Пляцоўка «Творчая майстэрня аквагрыму», падрыхтаваная ГУДО «Цэнтр творчасці дзяцей і моладзі «Світанак», дазволіла стварыць святочны настрой удзельнікам мерапрыемства.
Хлопцы з ДУА «Сярэдняя школа №4 г. Мар'іна Горка» сталі удзельнікамі квэст-гульні «Піянерская краіна сяброўствам моцная!» і «Піянерскі лабірынт», падчас якіх у складзе каманд яны выконвалі цікавыя тэматычныя заданні.
На свяце ўзнагароджаны граматамі галоўнага ўпраўлення па адукацыі Мінскага абласнога выканаўчага камітэта, памятнымі прызамі Беларускай рэспубліканскай піянерскай арганізацыі за актыўную і дзейсную працу па развіцці піянерскага руху ў вобласцi Копцева Алена Міхайлаўна, старшыня Пухавіцкага раённага Савета піянерскай арганізацыі, і Брывач Анастасія, навучэнка ДУА «Сярэдняя школа №4 г. Мар'іна Горка».
Святочная атмасфера і вясёлы настрой панавалі на працягу ўсяго мерапрыемства. Гэтае свята запомніцца лідэрам Пухавіцкай раённай піянерскай арганізацыі надоўга.
