На поўнае выкараненне баршчэўніка ў выніку аднаразовай хімічнай апрацоўкі разлічваць не даводзіцца, паколькі ў глебе назапашаны велізарны запас яго насення, якое захоўвае ўсходжасць да пяці-васьмі гадоў і ўзыходзяць не адначасова. Поўнага знішчэння каранёвай сістэмы можна дасягнуць пасля другой і нават трэцяй апрацоўкі пестыцыдамі. У гэтай сувязі апрацоўка раслін, як правіла, праводзіцца з пачатку адрастання баршчэўніка (май — першыя частка чэрвеня) і перад пачаткам цвіцення (сярэдзіна жніўня).
Кіраўніцтва завода занялося вырашэннем гэтай праблемы ў красавіку. Пасля атрымання адпаведнага ліста Мінскага гарадскога камітэта прыродных рэсурсаў і аховы навакольнага асяроддзя была арганізавана апрацоўка леташніх тэрыторый пестыцыдамі. Гэта ўчастак плошчай 25 гектараў у Кастрычніцкім раёне сталіцы (у межах вуліц Кіжаватава-Вільямса) і 20-гектарны ў Пухавіцкім раёне.
Спецыялісты прадпрыемства выязджалі на гэтыя тэрыторыі па графіку і апырсквалі параслі баршчэўніка адмысловымі прэпаратамі з захаваннем усіх мер бяспекі.
— На ўчастку ў Мiнску выкарыстоўвалі, як і ў мінулым годзе, Магнум і Балярыну, якія тут ўжо даказалі сваю эфектыўнасць. Імі ж працавалі і ў Пухавіцкім раёне, але, у залежнасці ад сітуацыі, выкарыстоўвалі яшчэ і грэйдэр-прэпарат для выкаранення баршчэўніка і ўсёй расліннасці працяглага глебавага дзеяння (паўтара-два гады нічога расці на ўчастку не будзе). Праўда, у Пухавіцкім раёне ўсходы баршчэўніка былі выяўленыя толькі на палове апрацаванага намі леташняга ўчастка, таму газавыратавальнікі цяпер працавалі з пестыцыдамі на 10-гектарнай плошчы. Далей будзем глядзець па сітуацыі, — расказала галоўны тэхнолаг прадпрыемства Сняжана Ніцэвіч.
Барацьба з баршчэўнікам працягваецца.
