Мерапрыемства было арганізавана дзяржаўнай установай «Пухавіцкі раённы цэнтр гігіены і эпідэміялогіі», Пухавіцкай раённай арганізацыяй Беларускае таварыства Чырвонага Крыжа, упраўленнем адукацыі, спорту і турызму Пухавіцкага раённага выканаўчага камітэта, аддзела ідэалагічнай работы, культуры і па справах моладзі Пухавіцкага раённага выканаўчага камітэта.
Мэт веламарафона было некалькі: гэта і прапаганда здаровага ладу жыцця сярод насельніцтва Пухавіцкага раёна, і фарміраванне негатыўнага стаўлення да тытунекурэння, і выхаванне пачуцця патрыятызму.
У велапрабегу прынялі ўдзел 108 чалавек: навучэнцы 5-ці гарадскіх школ, Мар'інагорскага дзяржаўнага аграрна-тэхнічнага каледжа ім. В. Е. Лабанка, прадпрыемстваў і арганізацый Пухавіцкага раёна (Філіял ЦЭЦ-5 РУП «Мінскэнерга», ААТ «Пухавiчынафтапрадукт», ААТ «Белаграпрамбанк», ДЛГУ «Пухавіцкі лясгас», ФАЦ «Вікторыя», УАЗ «Мар'інагорская ЦРБ», «Мінскія электрасеткі», ДУ «Пухавіцкі РЦГiЭ», РА БТЧК).
Самаму малодшаму ўдзельніку велапрабегу споўнілася 5 гадоў, а самым старэйшым стаў удзельнік ва ўзросце больш за 70 гадоў.
Узначальваў калону веласіпедыстаў член трэнерскага савета Мінскай абласной федэрацыі веласпорту, ветэран спорту Мацулевіч Уладзімір Віктаравіч.
Стартавалі веласіпедысты ад плошчы каля раённага цэнтра культуры пасля ўскладання кветак да абеліска Славы ў г. Мар'іна Горка. Маршрут праходзіў праз аграгарадкі Блонь, Пухавічы і завяршыўся каля помніка Любе Гайдучонак у аднайменным парку.
Ідучы па маршруце, удзельнікі велапрабегу прынялі ўдзел ва ўскладанні вянкоў і мітынгах ля помнікаў воінам, загінуўшым у Вялікай Айчыннай вайне.
