Ужо на працягу 35-ці гадоў напярэдадні Дня Перамогі, па ініцыятыве жыхаркі мястэчка Пухавічы, інваліда першай групы, Марыі Фёдараўны Есіпянок вязні фашысцкіх лагераў , а іх у раёне сёння засталося крыху больш за 250 чалавек, нягледзячы на свой сталы ўзрост, імкнуцца пабываць на гэтых пахаваннях, дзе спачываюць астанкі іх родных, блізкіх, аднавяскоўцаў... Магілы ўтрымліваюцца ў належным парадку: над імі шэфствуе раённы саюз афіцэраў і навучэнцы Мар'інагорскага аграрна-тэхнічнага каледжа імя В. А. Лабанка.
І ў цяперашнюю паездку традыцыйна мітынг адкрыла Есіпянок М. Ф.; затым выступіў Белавусаў Уладзімір Пятровіч, старшыня Саюза афіцэраў Мінскай вобласці; далей - Ганна Аляксандраўна Сабалеўская, старшыня раённага Савета ветэранаў. Яна запаліла лампадку з агнём памяці і абвясціла хвіліну маўчання ў памяць аб загінуўшых у гады Вялікай Айчыннай вайны. Прысутным на мітынгу піянерам Мар'інагорскай СШ нумар чатыры было дадзена права ўскласці кветкі на кожную магілу ў дадзеным ўрочышчы. І кожны выступоўца заклікаў школьнікаў памятаць, што адбывалася ў тыя гады вайны на гэтым святым месцы, і абавязкова перадаваць сваім нашчадкам пра пачутае, каб памяць аб іх жыла вечна. У мерапрыемстве прынялі ўдзел больш за пяцьдзесят чалавек. Раённы савет ветэранаў ўдзячны начальніку ўпраўлення адукацыі, спорту і турызму Пухавіцкага райвыканкама Сяргею Іванавічу Вусіка за выдзяленне аўтобусаў для арганізацыі паездкі.