Прайсці экспрэс-курс спартыўнага арыентавання, прыняць удзел у конкурсах і віктарынах, паласавацца прысмакамі і выйграць прызы можна каля раённага цэнтра культуры г.Мар'іна Горка. Да забаўляльнай праграмы далучыліся работнікі Пухавіцкага РАНС, прапанаваўшы гасцям свята праверыць свае веды ў галіне пажарнай бяспекі, «усталяваць» пажарны апавяшчальнік на хуткасць, «выклікаць» ратавальнікаў з дапамогай тэлефона-трэнажора і прымерыць баявік. Асобнае захапленне ў дзяцей выклікала пажарная машына, у якой столькі ўсяго цікавага! Ратавальнікі дапамагалі хлопцам узлезці ў кабіну, атрымліваючы ў падзяку бясконцае дзіцячае захапленне і прамяністыя ўсмешкі. Хто ведае, можа хто-небудзь з гэтых хлопцаў вырашыць стаць выратавальнікам?
За правільныя адказы і выкананне заданняў дзеці і дарослыя атрымалі прызы ад Міністэрства па надзвычайных сітуацыях.
