У пачатку семінара быў арганізаваны «круглы стол» «Прыярытэты, праблемы і перспектывы».
У рамках воркшопа «Наш калектыў #адзіныарганізм» хлопцы ў інтэрактыўнай форме пазнаёміліся з дзейнасцю клубных фарміраванняў Дома культуры. Прывітаў удзельнікаў семінара народны калектыў «Крынічанька», з якім хлопцы танцавалі і ігралі на шумавых інструментах.
Гукарэжысёр Дзмітрый Мазанік пазнаёміў з творчасцю інструментальнай групы «ПК» і правёў майстар-клас па гульні на барабаннай устаноўцы. Хормайстар Галіна Руміна запрасіла ўдзельнікаў семінара на занятак па вакале. Вельмі хутка ўсе прысутныя развучылі рухi сярэднявечных танцаў і з задавальненнем танцавалі разам з удзельнікамі маладзёжнага клуба «Дыялог».
Хлопцам было прапанавана прыняць удзел у працы творчай лабараторыі «Гульнявая праграма: ад ідэі да фіналу» і пазнаёміцца з арганізацыяй вольнага часу непаўналетніх, якія практыкуюцца ва ўстанове. Студэнты паўдзельнічалі ў інтэрактыўнай гульні, прайшлі калядны квэст, пазнаёміліся з настольнай фэнтэзі-гульнёй. Працягнулася знаёмства з новымі формамі працы на творчай пляцоўцы «Адкрыты мікрафон», дзе любы жадаючы мог выйсці на сцэну і ў мастацкай форме выказаць свае пачуцці, думкі і эмоцыі.
Завяршыўся семінар-практыкум падвядзеннем вынікаў у фармаце адкрытага дыялогу.
Алена СКАВЫШ,
дырэктар Рудзенскага гарпасялковага Дома культуры.