Сярод 11 спартсменак ва ўзроставай групе да 14 гадоў упэўненую гульню і найлепшы вынік паказала Анастасія Жабурдзёнак, выхаванка цэнтра творчасці дзяцей і моладзі «Світанак» (трэнер — Максім Падвінскі). Дзяўчынка стала чэмпіёнкай вобласці па хуткіх шахматах. Анастасія, трэба сказаць, займаецца шахматамі ў «Світанку» са снежня 2018 года. За такі кароткі тэрмін яна паспела двойчы стаць другой на абласных спаборніцтвах. А таксама выканала трэці разрад па шахматах. Па выніках першынства Мінскай вобласці па хуткіх шахматах Анастасія заваявала права згуляць на рэспубліканскіх спаборніцтвах у Гродне, якія адбудуцца ў пачатку мая.
Алена Максімава.
