За званне лепных змагаліся пяць каманд Мінскай вобласці з Салігорска, Мінскага раёна, Барысава, Слуцка і Мар'інай Горкі. Гонар Пухавіцкага раёна адстойвалі студэнты УАЗ «Мар'інагорскі дзяржаўны ордэна «Знак Пашаны» аграрна-тэхнічны каледж ім. Лабанка».
Спаборніцкая праграма складалася з чатырох асноўных этапаў.
«Пераадоленне паласы перашкод», дзе ўдзельнікам неабходна было выканаць шэраг выпрабаванняў за найменшую колькасць часу і без памылак.
Затым хлопцам неабходна было прадэманстраваць свае веды ў конкурсе «Знаўцы АБЖ». Спаборніцтва праводзілася ў выглядзе тэставання на персанальным кампутары. Задача ўдзельніка - адказаць на 50 пытанняў за 50 хвілін.
Пасля тэставання каманды чакала праверка ведаў і навыкаў па аказанні першай даўрачэбнай дапамогі.
У завяршэнні хлопцаў чакаў творчы конкурс «Шлягер бяспекі», дзе ўдзельнікі паказалі свае таленты ў музычным жанры.
Па выніках спаборніцтваў нашы студэнты занялі 3 месца па ведах у галіне бяспекі жыццядзейнасці і 3 месца па аказанні першай даўрачэбнай дапамогі, заняўшы ў агульным заліку 5 месца ў вобласці.
Пухавіцкі РАНС.