- У першынстве Рэспублікі Беларусь па доўгім цыкле (рэгламент часу 30 хвілін) добрыя вынікі паказалі прадстаўнікі каманды ФОЦ «Вікторыя», — распавядае Павел Сянько, дырэктар ФОЦ «Вікторыя». - 3-е месца ў Міхаіла Плешавенi, 4-е - у Андрэя Гірдзюка, 2-е - у Івана Станкевіча, навучэнца сярэдняй школы № 3 горада Мар'іна Горка. У сваёй узроставай групе Юрый Леўчык заняў 1-е месца. Таксама ён выступіў у Кубку горада Асіповічы (рывок 10 хвілін гіры 32 кілаграмы), дзе зноў заняў 1-е месца.
У першынстве Рэспублікі Беларусь па доўгім цыкле (рэгламент часу 15 хвілін) 3-е месца заняў Уладзімір Цвірка, а Андрэй Гермянчук стаў чацвёртым. Вячаслаў Баншчык двойчы стаў прызёрам у Кубку горада Асіповічы.
У чэмпіянаце Беларусі па доўгім цыкле (рэгламент часу 30 хвілін, вага гіры 32 кілаграмы ў мужчын і 16 кілаграмаў — у жанчын) Павел Хадачынскі стаў сярэбраным прызёрам, а Святлана Доўгая заваявала золата. Прычым лепшай яна была і ў Кубку горада Асіповічы (рывок 10 хвілін, вага гіры - 16 кілаграмаў).
Алена Іванова.
