Кіраўнікі народных музеяў прэзентавалі сваю працу ў чатырох кірунках. У намінацыі «Экскурсійны маршрут па малой радзіме» быў прадстаўлены праект «У сэрцы Беларусі», распрацаваны кіраўніком народнага музея гісторыі ўстановы адукацыі «Мар'інагорскі дзяржаўны ордэна «Знак Пашаны» аграрна-тэхнічны каледж імя У.Я. Лабанка» Аленай Свірыдавай. Гэта творчая праца кіраўніка і навучэнцаў, якія наведваюць аб'яднанне па інтарэсам «Старонкі гісторыі». У экскурсійны маршрут ўключаны аб'екты Пухаўшчыны, гісторыя якіх налічвае больш за 100 гадоў і якія звязаны з гісторыяй установы адукацыі (з утрыманнем працы можна азнаёміцца на сайце народнага музея гісторыі ўстановы адукацыі http://museum.mgatk.by у раздзеле «Даследчая дзейнасць»).
Па выніках працы форуму Алена Свірыдава ўзнагароджана дыпломам першай ступені.
Аляксандр Дземідзюк.
