Першым намеснікам старшыні райвыканкама, начальнікам упраўлення па сельскай гаспадарцы і харчаванні прызначаная Анастасія Кузьміна.
Аляксандр Ласевіч, які раней займаў гэтую пасаду, прызначаны старшынёй Лагойскага райвыканкама.
З Лагойскага раёна прыехала да нас і Анастасія Кузьміна. Пасля заканчэння Беларускага дзяржаўнага аграрна-тэхнічнага ўніверсітэта яна працавала інжынерам па ахове працы ў СВК «Камена» Лагойскага раёна, затым галоўным інжынерам, а ў 2015 годзе ўзначаліла гаспадарку.
Прадстаўляючы Анастасію Георгіеўну, памочнік Прэзідэнта - інспектар па Мінскай вобласці Ігар Яўсееў адзначыў яе дзелавыя якасці, добрыя вынікі працы і пажадаў поспехаў.