Гэты праект атрымаў шырокую грамадскую падтрымку і распаўсюджванне па ўсёй краіне. Падобныя залы адкрываюцца на базе школ, фізкультурна-аздараўленчых цэнтраў.
- Мы вырашылі рэалізаваць «ТатаЗала» на базе ФАК «Энергія» ў Дружным. У пасёлку пражывае шмат маладых сем'яў, якім напэўна будзе цікава трэніравацца разам з дзецьмі — адзначае першы сакратар РО ГА «БРСМ» Аляксандра Стош. - Сімвалічна, што першы занятак прайшоў у Міжнародны дзень спорту. Хочацца падзякаваць трэнеру Наталлi Алешка за аказаную метадычную дапамогу.
Сустрэліся ўдзельнікі праекта ў трэнажорнай зале ФАК «Энергія». Наталля распавяла, на якіх трэнажорах могуць займацца дзеці і бацькі, парэкамендавала, як граматна размяркоўваць нагрузкі. У распараджэнні групы была таксама зала для бокса. Многія таты згулялі са сваімі сынамі ў настольны тэніс.
- На нашы заняткі разам з дзецьмі могуць прыходзіць і мамы — удакладняе Аляксандра Стош.
Удзельнікі праекта могуць бясплатна наведваць ФАК «Энергія» кожную суботу з 16-00 да 18-00. Далучайцеся да аматарам актыўнага ладу жыцця.
Кацярына ВЕРНIКОЎСКАЯ.