- Прафілактыка пажарнай бяспекі для нашага калектыву - штодзённая праца — адзначае начальнік Пухавіцкага РАНС Аляксей Несцяровіч. - З прафілактычнымі гутаркамі мы наведваем працоўныя калектывы раёна. Удзельнічаем у сельскіх сходах, бацькоўскіх сходах. У бягучым годзе супрацоўнікі РАНС выступілі ў 144 калектывах, прынялі ўдзел у 50 сельскіх сходах і 13 бацькоўскіх сходах.
Асаблівая ўвага — абследаванню жылога фонду і працы назіральных камісій. Штотыдзень ратавальнікі сумесна з іншымі зацікаўленымі службамі выязджаюць у розныя населеныя пункты раёна. Сябры назіральных камісій наведваюць домаўладанні адзінокіх і адзінока пражываючых грамадзян, інвалідаў, шматдзетных сем'яў і іншыя дамы. Падчас гэтых маніторынгаў даюцца рэкамендацыі па правілах пажарнай бяспекі. На гэтым тыдні назіральныя камісіі працавалі ў аграгарадках Шацк, Турын, Блонь, Пухавічы, Навасёлкі, Блужа і найбліжэйшых да іх вёсках.
Папулярызаваць пажарную бяспеку сярод дзяцей і падлеткаў дапамагаюць тэматычныя конкурсы і мерапрыемствы. Нядаўна па ініцыятыве МНС у раённым Цэнтры культуры прайшоў раённы конкурс КВЗ сярод школьнікаў. У канцы сакавіка ў аграгарадку Голацк праведзена раённая кірмаш бяспекі.
Кацярына ВЕРНIКОЎСКАЯ.
