Першая частка занятку праводзілася ў форме дыскусіі «Моладзежныя субкультуры: «за» і «супраць». Мэтай мерапрыемства стала знаёмства ўдзельнікаў з асноўнымі відамі моладзежных субкультур.
Спачатку хлопцы адправіліся ў падарожжа па разнавіднасцях субкультур. Затым, падзяліўшыся на групы «аптымістаў» і «песімістаў», выяўлялі пазітыўныя і негатыўныя бакі ў нефармальных моладзежных аб'яднаннях. Запоўніўшы інфармацыйныя карты, лідэры прыйшлі да высновы, што нефармальныя моладзежныя субкультуры ўплываюць на развіццё асобы падлетка. Той, хто складаецца ў групоўкi з юных гадоў, стварае праблемы сабе і навакольным. Ні адна субкультура не спрыяе ўсебаковаму развіццю асобы падлетка.
Працягнулася праца членаў дзіцячай палаты на тэматычных пляцоўках.
У ходзе практычных заняткаў па тэме «Піянерскі фармат у сацыяльных сетках» (кіраўнікі: Копцава Е. М. і Глінскі А. А.) удзельнікі пазнаёміліся з часткамі афіцыйнага сайта ГА «БРПА», піянерскімі групамі «ВКонтакте», павучыліся размяшчаць навінавую інфармацыю. Таксама кожнаму жадаючаму можна было зарэгістравацца ў піянерскіх групах.
На трэнінгу «Я магу быць валанцёрам» (кіраўнік Хадыка Н. А.) хлопцы сістэматызавалі свае веды пра валанцёраў і іх рух. Даведаліся, як стаць валанцёрам, якімі якасцямі і навыкамі ён павінен валодаць, і як арганізаваць валанцёрскую працу ў сваёй школе.
Сустрэча членаў дзіцячай палаты атрымалася насычанай, цікавай і прадуктыўнай. Хлопцы атрымалі шмат карыснай інфармацыі, якую будуць выкарыстоўваць у сваіх піянерскіх дружынах.