Можа быць, мы не заўсёды заўважаем працу гэтых людзей, але яны ўносяць свой уклад у забеспячэнне правапарадку на тэрыторыі раёна. Таму штогод праводзіцца раённы агляд-конкурс, які вызначае лепшых.
Нядаўна былі падведзены вынікі працы за мінулы год. На падставе рашэння раённага выканаўчага камітэта лепшым саветам грамадскага пункта аховы правапарадку прызнаны АПАП Турынскага сельвыканкама (старшыня сельвыканкама Святлана Харытончык). Лепшая добраахвотная дружына працуе пры Навасёлкаўскім сельвыканкаме (камандзір дружыны Сяргей Бельскі). Лепшым дружыннікам стаў Ігар Максімавіч, работнік ААТ «Пухавіцкі доследна-эксперыментальны завод», член добраахвотнай дружыны гарада Мар'іна Горка.
Старшыня раённага выканаўчага Віктар Каляда павіншаваў пераможцаў і ўручыў ім узнагароды.
Вольга Савасцюк
