Штогод хлопцы з навучальных устаноў раёна спаборнічаюць у сваім уменні рассмяшыць журы, «запаліць» залу і, вядома, абаяць публіку сваім непаўторным стылем!
Члены журы, у склад якога ўвайшлі прадстаўнікі раённага аддзела па надзвычайных сітуацыях, аддзела адукацыі, спорту і турызму райвыканкама, РК ГА «БРСМ» і работнікі культуры, апынуліся ў няпростым становішчы. Канкурэнцыя сярод каманд была даволі сур'ёзная: заўважна, што хлопцы рыхтаваліся і прыйшлі за перамогай.
Хлопцы спаборнічалі ў трох конкурсах: «Візітная картка», «Біятлон», «Музычнае хатняе заданне». У кожным конкурсе былі лідары. Гэтак жа суддзі вызначылі ўладальнікаў прызоў у намінацыях «Міс фестывалю», «Містэр фестывалю» і «Лепшы жарт».
Па выніках усяго конкурсу фіналістамі сталі каманды «14+» п. Дружны, «БезПажараў.нет» в. Дуброўка і перамогу атрымала першая зборная каманда Рудзенска і Свіслачы «РiС», якая і будзе прадстаўляць раён на занальным этапе спаборніцтва!
